Standard side

 
 

Bygdevegen-dag.

 
KVA ER BYGDEVEGEN GJENNOM TESSUNGDALEN ?

Den gamle bygdevegen var den kommunikasjon som batt gardane saman.  Han var ikkje tenkt til anna enn ein kløv-, slede- og ride-veg, og difor krongla den seg fram frå tun til tun.  Det knytter seg mykje historie til slike vegar,  så ta deg tid til ei vandring i forfedrane sine fotefar.  Ønskjer du følgje og meir guiding rundt historia til Tessungdalen, kan du ta kontakt med oss.


KVA ER BYGDEVEGENDAGEN ?

Vi har to variantar på å bruke Bygdevegendagen.  Den eine er å ta med ryddeutstyr og fjerne busk og kratt for å halde stigar ope. 
Den andre varianten er å bruke dagen for ein felles rusletur langs den gamle bygdevegen i Tessungdalen. 

Bygdevegen ligg der merka med raude stolpar frå Gunleiksrud til Bjørnerud ca 8 km lang.  På mange av plassane du går forbi, er det sett opp informasjonspostar som kan fortelje noko av den spennande historia knytta til Tessungdalen.

På sjølve Bygdevegendagen hadde det vore ekstra triveleg å finne sambygdingar i hus og hytter vandrande langs vegen !

Om ikkje anna blir oppgjeve så ta med mat og drikke.  Kvart år samlast vi til felles matpause og får ei kort orientering om plassen vi er på.  
Vi har i fleire år nytta denne dagen til å utvide samarbeidet som Grautkjeringan har med Mandheimen Statlege asylmotak, mellom anna med mat frå andre verdshjørner.
Vel møtt!

 
Røvarar utanfor Røvarhola.
Røvarar utanfor Røvarhola.
 
 

Bygdevegenkveld 2012.

 

Rusletur langs Bygdevegen 2012.

Måndag kveld rusla 22 små og store tessungdøler i regnklede, langs Den gamle Bygdevegen frå Bjørnerud til Røvarholberget ved Karlsrud. 

Den gamle Bygdevegen gjennom Tessungdalen var den kommuniksjon som batt gardane saman.  Det var meint som ein kløv, ride og sledeveg som krongla seg fram frå tun til tun.  I dag kan me fylgje stigen gjennom kulturlandskap med beitande dyr, slåttemark, og skog.  Vegen er merka frå Uppigard Gunleiksrud gjennom dalen ned til Bjørnerud, og er om lag 8 km lang.

Soga om røvarane som ville bryte seg inn på buret i Karlsrud og stjele verdisaker, blir endå meir levande og spennande når me går i fotefara deira.  Buret i Karlsrud står der med holet i veggen. Bonden hadde lagt seg på lur og venta kveld etter kveld.  Han laga eit hol ved dynne for å sjå når røvarane kom.  Då den eine røvaren lista seg inn på buret, small det!  ”Råka du?” spurte kameraten som stod att utanfor.  ”Nei, men e råka”, svara Karlsrudbonden. 

Hola der røvarane budde er like intakt, og mange måtte opp å sjekke om dette kunne vere mogleg.  Jamvel nokon større snakka om å overnatte der?  På vegen attende gjekk me innom Lusedalshola der den eine røvaren vart gravlagd.  Sagnet fortel at folk som gjekk langs vegen kunne høyre den sørgande røvaren som leita etter kameraten sin.  ”Lusedalsfanten” vart bruka til å skreme uskikkelege unge tessungdølar, vart det fortalt!  Tydelegvis sit det djupt, for det var ein age over den eldre forsamlinga ved Lusedalshola måndagkveld.

 
 

Skriv en kommentar: (Klikk her)

123hjemmeside.no
Antall tegn tilbake: 160
OK Sender...
Se alle kommentarer

| Svar

Nyeste kommentarer

22.09 | 23:37

Gratulerer med at drømmen har gått i oppfyllelse :) Velfortjent suksess. Dette har ikke blitt av seg sjøl ! Mange års arbeid, ikke minst med økonomi. Tøffft !

...
13.09 | 13:53

Hei May-Brith. Skal love deg at Salemann på låven nå 17.-20.sept.
vil bli husket lenge. og bare 640 personer får sjansen til å se og høre og oppleve!!!!!

...
12.09 | 21:35

Kjempeflott tilstelling. Dere er helt unike. En opplevelse mann husker for framtida.

...
26.08 | 22:10

Spennende å bli invitert til en slik forestilling! Vi gleder oss.

...
Du liker denne siden